روز ویلٹ ہوٹل کسی صورت فروخت نہیں کریں گے ارشد ملک

پاکستان انٹرنیشنل ایئرلائنز کے چیف ایگزیکٹو آفیسر ارشد ملک نے نیو یارک کے روز ویلٹ ہوٹل کے مستقبل کے بارے میں کہا ہے کہ روز ویلٹ ہوٹل کو کسی صورت فروخت نہیں کیا جائے گا بلکہ ہوٹل کی تعمیر نو کرنے کا آپشن پلان میں موجود ہے۔


انہوں نے کہا ہوٹل کی تزئین و آرائش یا اس کی تعمیر نو کا منصوبہ بنایا جارہا ہے، روز ویلٹ ہوٹل کو رینوویٹ کریں گے یا پھر ڈیمولش کر کے سو منزلہ عمارت بنائی جائے گی۔

سینیٹ کی قائمہ کمیٹی برائے ایوی ایشن چئیرمین کمیٹی کا اجلاس مشاہد اللہ خان کی زیر صدارت ہوا جس میں سی ای او پی آئی اے ارشد ملک نے روز ویلٹ ہوٹل کے بارے میں تفصیلی بریفنگ دی۔