کراچیسعید آباد میں پولیسرینجرز کی کارروائیگینگ وار کا اہم کارندہ حفیظ ڈاڈاہلاک
ملزم حفیظ ڈاڈا قتل،اقدام قتل،بھتہ خوری،اغوا برائے تاوان سمیت پچاس سے زائدوارداتوں میں پولیس کو مطلوب تھا۔اسنیپ شاٹ/ایکسپریس نیوز
کراچی کے علاقے سعید آباد میں پولیس اور رینجرز کی کارروائی میں لیاری گینگ وار کا اہم کارندہ حفیظ ڈاڈا ہلاک ہوگیا۔
ایکسپریس نیوز کے مطابق بلدیہ ٹاؤن سعید آباد کے علاقے سجن گوٹھ میں گینگ وارکے کاروندوں کی موجودگی کی اطلاع پر پولیس اور رینجرز گرفتاری کے لئے پہنچیں تو ملزمان نےان پر فائرنگ کردی،جس کے بعد پولیس رینجرز کی جوابی فائرنگ کے نتیجے میں گینگ وار کا اہم ملزم حفیظ ڈاڈا ہلاک ہو گیا جبکہ دو ملزمان فرار ہوگئے۔
پولیس کے مطابق ہلاک ہونے والے ملزم حفیظ ڈاڈا کے قبضے سے ایک کلاشنکوف برآمد کر لی گئی ہے، ایس پی بلدیہ نے بتایا کہ ملزم حفیظ ڈاڈا قتل،اقدام قتل،بھتہ خوری،اغوا برائے تاوان سمیت پچاس سے زائدوارداتوں میں پولیس کو مطلوب تھااوراس کا تعلق لیاری گینگ وار کے راشد ریکھا گروپ سے تھا۔ملزم کی لاش کو پولیس کی نگرانی میں عباسی شہید اسپتال منتقل کردیا گیا ہے۔