تیزرفتار واٹر ٹینکر بے قابو ہوکر بینک میں گھس گیا ایک شخص جاں بحق

نارتھ ناظم آباد میں تیز رفتار واٹر ٹینکر بے قابو ہوکر نجی بینک میں گھس گیا، جس کے نتیجے میں ایک شخص جاں بحق اور متعدد زخمی ہوگئے۔

ایکسپریس نیوزکے مطابق کراچی کے علاقے نارتھ ناظم آباد میں تیز رفتار واٹر ٹینکر بے قابو ہوکر نجی بینک میں گھس گیا، جس کے نتیجے میں ایک شخص جاں بحق اور متعدد زخمی ہوگئے۔


پولیس حکام کے مطابق حادثہ واٹر ٹینکر کے بریک فیل ہونے کے باعث پیش آیا اور بینک کے باہر کھڑی گاڑیوں کو بھِی نقصان پہنچا ہے، واٹر ٹینکر کو ہٹانے کیلیے کرین طلب کرلی گئی ہے، جب کہ لاشوں اور زخمیوں کو قریبی اسپتال منتقل کردیا گیا ہے،

پولیس حکام نے بتایا کہ جاں بحق ہونے والے شخص کی شناخت نہیں ہوسکی، جب کہ زخمیوں میں مرتضی، بینک ڈرائیور ابراہیم، سیکیورٹی گارڈ میر صاحب اور راہ گیر عامر حسین شامل ہیں، واٹر ٹینکر کے حوالے سے معلومات حاصل کی جارہی ہیں جب کہ ڈرائیور کو بھی تلاش کیا جا رہا ہے، ممکن ہے کہ واٹر ٹینکر کا ڈرائیور زخمیوں میں شامل ہو۔