ایک منٹ میں سب سے زیادہ انڈے منہ سے اُچکنے کا عالمی ریکارڈ قائم

گیند کی طرح دور سے اچھالے گئے انڈوں کو صحیح سلامت منہ سے پکڑنے کا نیا عالمی ریکاڈ بن گیا۔

غیر ملکی خبر رساں ادارے کے مطابق امریکی ریاست ایڈاہو کے ڈیوڈ رش نے منہ سے انڈے اچک کر نیا عالمی ریکارڈ بنا لیا۔ ڈیوڈ اس سے قبل 150 مرتبہ گینز بک آف ورلڈ ریکارڈز بنا چکا ہے۔ ڈیوڈ سائنسی تعلیم کے فروغ کے لیے مختلف ریکارڈز بناتا ہے۔

اس بار ڈیوڈ نے اپنے پڑوسی جوناتھن کی مدد سے ایک منٹ کے اندر سب سے زیادہ انڈے منہ سے اچکنے کا عالمی ریکارڈ قائم کرلیا ہے۔ اس نے ساڑھے چھ فٹ کے فاصلے اچھالے گئے 36 انڈوں میں سے 24 کو منہ سے اچک لیا جن میں سے 18 صحیح سلامت رہے۔


اس کوشش میں اس کا ہونٹ بھی زخمی ہوا لیکن وہ 17 انڈے منہ سے اچکنے کا عالمی ریکارڈ توڑنا چاہتا تھا اس لیے ڈیوڈ نے اس تکلیف کی پروا نہیں کی اور کوشش جاری رکھی جس میں بالآخر کام یاب رہا۔

 

https://www.youtube.com/watch?v=xalIcnXE3HE&feature=emb_title