حکومت نے معاہدے کی خلاف ورزی کی تو لائحہ عمل کا اعلان کرینگے سربراہ تحریک لبیک

اس موقع پرسعد رضوی کا کہنا تھا کہ وعدہ کرتا ہوں ناموس رسالت کے تحفظ اور ختم نبوت کی پاسبانی اور دین کو غالب کریں گے، جہاں کارکن کا پسینہ گرے گا وہاں رہنماﺅں کا خون لڑے گا، ہر جانب سے اسلام اور ناموس رسالت و پاکستان کی طرف آنے والے تیروں کو سینوں پر لیں گے، ریاست و سیاست میں ہر جگہ ایک ہی نعرہ لبیک یارسول اللہﷺ لگائیں گے۔

چیئرمین رویت ہلال کمیٹی مفتی منیب الرحمن نے کہا کہ میں شہادت دیتا ہوں کہ پاسبان ختم نبوت نے پیمان وفا باندھا تھا اور آخری سانس تک باندھا، علامہ خادم حسین رضوی دنیاوی رشتے سے میرے کچھ نہیں تھے لیکن روحانی طور پر سب کچھ تھے، میں تحریک لبیک کا رکن نہیں رہا لیکن ان کے ساتھ رہا، علامہ خادم رضوی نے اپنے آپ کو حسینیتؓ کے کردار میں ڈھالا، خادم رضوی نے جو شعلے محمد مصطفیﷺ کی محبت کے جگائے ہیں وہ وگوں کے لیے مشعل راہ ہیں۔