سندھ پولیس کے مزید 23 افسران اور اہلکار کورونا میں مبتلا

سندھ پولیس کے مزید 23 افسران اور اہلکار کورونا میں مبتلا ہوگئے، اب تک 3787 اہلکار کورونا کا شکار ہوئے جبکہ 21 اہلکار شہید ہوچکے ہیں۔


ترجمان سندھ پولیس کے مطابق گزشتہ تین روز کے دوران 765 پولیس اہلکاروں کے کورونا ٹیسٹ کیے گئے جس میں سے 23 کیسز مثبت آئے۔

کورونا وائرس سے متاثرہ افسران اور اہلکاروں کی مجموعی تعداد 3787 ہوگئی۔ کورونا کے خلاف فرائض کی ادائیگی کے دوران اب تک 21 پولیس افسران اور اہلکار شہید ہوئے، 275 اہلکار زیرعلاج ہیں جبکہ اب تک 3491 اہلکار صحتیاب ہوکر گھر جاچکے ہیں۔