حافظ آباد میں فرانسیسی خاتون پراسرار طور پر ہلاک

حافظ آباد کے علاقے کینال گارڈن میں رہائش پذیر فرانسیسی خاتون پراسرار طور پر ہلاک ہوگئی۔

پولیس کے مطابق فرانسیسی شہریت کی حامل خولہ اشرف نے دو سال قبل عمران سے شادی کی تھی۔ دونوں کی سوشل میڈیا پر دوستی ہوئی تھی جس کے بعد انہوں نے شادی کی تھی۔ گزشتہ روز خاتون کی پراسرار حالات میں موت ہوگئی۔


خاوند عمران کا کہنا ہے کہ میری بیوی کی موت سیڑھیوں سے گرنے کے باعث ہوئی ہے۔ پولیس نے لاش تحویل میں لے کر ہسپتال منتقل کر دی ہے۔

پولیس کا کہنا ہے کہ جاں بحق فرانسیسی خاتون کا پوسٹ مارٹم کروایا جائیگا، جس کی رپورٹ کے بعد موت کی حقیقی وجہ معلوم ہوسکے گی۔