تمام جماعتوں کوپارلیمان کے جمہوری اقدارکی پاسداری کویقینی بنانا چاہیے وزیراعظم

وزیراعظم عمران خان کا کہنا ہے کہ تمام جماعتوں کوپارلیمان کے تقدس اورجمہوری اقدارکی پاسداری کویقینی بنانا چاہیے۔


وزیراعظم عمران خان سے اسپیکرقومی اسمبلی اسد قیصرکی ملاقات ہوئی، ملاقات میں پارلیمانی نظام پرگفتگوہوئی۔ ملاقات کے دوران وزیراعظم نے کہا کہ پارلیمان قانون سازی، جمہوریت کے تسلسل کیلئے نہایت اہم اورسب سے بڑا آئینی فورم ہے، تمام جماعتوں کو پارلیمان کے تقدس اورجمہوری اقدار کی پاسداری کو یقینی بنانا چاہیے۔

وزیراعظم نے مزید کہا کہ عوام پارلیمنٹ میں اپنے مسائل کی آوازاٹھانے کیلئے منتخب نمائندوں کی طرف دیکھتی ہے، پارلیمنٹ کی اصل طاقت عوام کی خدمت اورآئین کی پاسداری ہے۔