2020 پاکستان کی متعدد اہم شخصیات انتقال کرگئیں

سال 2020 کئی حوالوں سے دنیا کے لیے اچھا ثابت نہیں ہوا، اس سال ملک کی متعدد سیاسی اور مختلف شعبوں میں نمایاں خدمات سرانجام دینے والی شخصیات ہم سے جدا ہو گئیں۔


دنیا بھر میں پھیلی کورونا وبا کے باعث متعدد شخصیات بھی اس کا نشانہ بنیں۔ معروف قانون دان، سابق اٹارنی جنرل اور سابق چیف الیکشن کمشنر جسٹس ریٹائرڈ فخرالدین جی ابراہیم 7 جنوری 2020کو اس دنیائے فانی سے رخصت ہوئے۔ وہ بھارتی گجرات کے شہر احمد آباد میں 1928 میں پیدا ہوئے، ان کی عمر 91برس تھی۔

وزیر اعظم کے معاون خصوصی برائے سیاسی امور اور تحریک انصاف کے سینئر رہنما نعیم الحق15فروری 2020کو علالت کے باعث کراچی میں انتقال کرگئے۔ کراچی کے سابق میئر اور جماعت اسلامی کے مرکزی رہنما نعمت اللہ خان 90 برس کی عمر میں25 فروری 2020 کو انتقال کرگئے تھے۔