2001 کی حلقہ بندیاں نہیں مانتے سندھ میں نئی حلقہ بندیاں کرائی جائیں گی شرجیل میمن

صوبائی وزیراطلاعات سندھ شرجیل میمن نے کہا کہ سابق صدر پرویز مشرف کی حلقہ بندیوں کو نہیں مانتے سندھ میں نئی حلقہ بندیاں کی جائیں گی۔


سندھ کے وزیر اطلاعات شرجیل میمن کا کہنا تھاکہ عدالتی فیصلے میں کہا گیا ہے کہ 2001 کی حلقہ بندیوں پر بلدیاتی انتخابات کرائے جائیں لیکن سندھ حکومت ان حلقہ بندیوں کو نہیں مانتی۔ انہوں نے کہاکہ یہ حلقہ بندیاں سابق صدر پرویز مشرف نے اپنے سیاسی آمروں کو خوش کرنے لئے سیاسی رشوت کے طور پر کی تھیں لہذا اب سندھ میں نئی حلقہ بندیاں کی جائیں گی لیکن سپریم کورٹ میں جانے کا آپشن بھی موجود ہے۔

شرجیل میمن کہنا تھا کہ سندھ ہائی کورٹ کے فیصلےکے بعد امیدواروں کی جانب سے جمع کرائے جانے والے کاغذات نامزدگی غیر مؤثر ہوگئے ہیں، اب نئی حلقہ بندیوں کے تحت کاغذات نامزدگی جمع کرائے جائیں گے۔