تین بیویوں کے شوہر کو پہلی بیوی نے گولی مار کر قتل کردیا
مقتول کی تینوں بیویاں ایک ہی گھر میں اس کے ساتھ رہائش پذیر تھیں اور وہ 13 بچوں کا باپ تھا، پولیس
مقتول کی تینوں بیویاں ایک ہی گھر میں اس کے ساتھ رہائش پذیر تھیں اور وہ 13 بچوں کا باپ تھا، پولیس۔ فوٹو : فائل
RAWALPINDI:
مبینہ ٹاؤن کے علاقے میں تین بیویوں کے شوہر کو پہلی بیوی نے سر میں گولی مار کر قتل کردیا۔
مبینہ ٹاؤن کے علاقے قائد اعظم کالونی میں بیوی نے فائرنگ کرکے شوہر کو قتل کردیا، ابتدائی تفتیش کے مطابق واقعہ گھریلو جھگڑے کا شاخسانہ ہے اور دونوں میاں بیوی کے درمیان آئے روز جھگڑے رہتے تھے، جمعرات کی شب بھی ان دونوں کے درمیان تلخ کلامی ہوئی تھی جس پر جمعہ کی صبح ملزمہ نے سوتے ہوئے شوہر کو سر میں گولی مار دی۔
پولیس کے مطابق 45 سالہ محمد ولی نے 3 شادیاں کی ہوئی تھیں اور تینوں بیویاں ایک ہی گھر میں اس کے ساتھ رہائش پذیر تھیں جب کہ وہ 13 بچوں کا باپ تھا، ولی نے علاقے میں ہی کچھ گھر کرائے پر دیے ہوئے تھے جن کے ذریعے وہ گزر بسر کرتا تھا جب کہ خود بھی گھر بنانے کے ٹھیکے لیتا تھا جب کہ ملزمہ شاہین اس کی پہلی بیوی ہے۔
پولیس نے لاش کو ضابطے کی کارروائی کے لیے عباسی شہید اسپتال منتقل کردیا ہے جب کہ جائے وقوعہ سے تیس بور کا پستول بھی قبضے میں لے لیا ہے۔
مبینہ ٹاؤن کے علاقے میں تین بیویوں کے شوہر کو پہلی بیوی نے سر میں گولی مار کر قتل کردیا۔
مبینہ ٹاؤن کے علاقے قائد اعظم کالونی میں بیوی نے فائرنگ کرکے شوہر کو قتل کردیا، ابتدائی تفتیش کے مطابق واقعہ گھریلو جھگڑے کا شاخسانہ ہے اور دونوں میاں بیوی کے درمیان آئے روز جھگڑے رہتے تھے، جمعرات کی شب بھی ان دونوں کے درمیان تلخ کلامی ہوئی تھی جس پر جمعہ کی صبح ملزمہ نے سوتے ہوئے شوہر کو سر میں گولی مار دی۔
پولیس کے مطابق 45 سالہ محمد ولی نے 3 شادیاں کی ہوئی تھیں اور تینوں بیویاں ایک ہی گھر میں اس کے ساتھ رہائش پذیر تھیں جب کہ وہ 13 بچوں کا باپ تھا، ولی نے علاقے میں ہی کچھ گھر کرائے پر دیے ہوئے تھے جن کے ذریعے وہ گزر بسر کرتا تھا جب کہ خود بھی گھر بنانے کے ٹھیکے لیتا تھا جب کہ ملزمہ شاہین اس کی پہلی بیوی ہے۔
پولیس نے لاش کو ضابطے کی کارروائی کے لیے عباسی شہید اسپتال منتقل کردیا ہے جب کہ جائے وقوعہ سے تیس بور کا پستول بھی قبضے میں لے لیا ہے۔