کورونا ٹیسٹ مثبت آنے کے باوجود گوہرخان شوٹنگ پرپہنچ گئیں

کورونا ٹیسٹ مثبت آنے پربھی بھارتی اداکارہ گوہرخان شوٹنگ پر پہنچ گئیں۔

بھارتی میڈیا رپورٹس کے مطابق بھارتی اداکارہ گوہر خان اس وقت خبروں کی زینت بنی ہوئی ہیں۔ اداکارہ نے اپنا کورونا ٹیسٹ کروایا جو مثبت آگیا۔

اداکارہ خود کو قرنطینہ کرنے کے بجائے فلم کی شوٹنگ پرپہنچ گئیں، جس پر ان کے خلاف مقدمہ درج کرلیا گیا ہے۔


اس خبرکوبھی پڑھیں: شادی کے لیے دیدہ زیب لباس بنانے پر گوہر خان پاکستانی ڈیزائنر کی شکرگزار

ممبئی میونسپل کارپوریشن نے اس متعلق ٹوئٹ میں کہا کہ شہراورعوام کی صحت کے لیے کوئی سمجھوتہ نہیں کیا جائے گا۔ کورونا سے متعلق اصول و ضوابط تمام شہریوں کے لیے ہیں۔