لاہور کی شاہ عالم مارکیٹ میں فائرنگ سے 3 افراد ہلاک 3 زخمی

شاہ عالم مارکیٹ میں دو گروپوں میں فائرنگ ہوئی۔

فائرنگ کے تبادلے میں 3 افراد ہلاک اور 3 شدید زخمی ہوگئے جنہیں اسپتال منتقل کردیا گیا جہاں ان کی حالت نازک بتائی جاتی ہے۔ جاں بحق ہونے والوں میں نائب صدر شاہ عالم مارکیٹ مارکیٹس بورڈ چوہدری محمد زبیر، عاطف قریشی اور ریڑھی بان محمد بوٹا شامل ہیں جبکہ زخمیوں میں طاہر ، عمران اور عرفان شامل ہیں۔


سربراہ لاہور پولیس غلام محمود ڈوگر نے واقعے پر نوٹس لے لیا۔ سی سی پی او لاہور نے ایس پی سٹی حسن جہانگیر سے رپورٹ طلب کرتے ہوئے ملزمان کی گرفتاری کا حکم دیا۔

مقتول عاطف کے بھائی آصف قریشی نے بتایا کہ صدر انجمن تاجران سنٹرل شاہ عالم مارکیٹ انتظار حسین لودھی، تیمور اور تین نامعلوم ملزمان نے فائرنگ کی، میں نے ملزمان سے بیٹھ کر بات کرنے کو کہا تو انہوں نے مجھے تشدد کا نشانہ بنایا اور اندھا دھند فائرنگ کردی۔