این اے 249 پر دوبارہ گنتی نہیں ری الیکشن ہونا چاہیے فواد چوہدری

وزیر اطلاعات چوہدری فواد حسین نے کہا ہے کہ الیکشن کمیشن نے حکم امتناع دے کر اچھا کیا، الیکشن کمیشن کو دوبارہ گنتی کے بجائے ری الیکشن کی طرف جانا چاہیے۔

اپنے بیان میں فواد چوہدری نے کہا کہ حلقہ این اے 249 میں ٹرن آﺅٹ بہت کم رہا، مجموعی طور پر 21 فیصد رجسٹرڈ ووٹ ڈالے گئے، جیتنے والا امیدوار 5 فیصد سے بھی کم ووٹ حاصل کر کے ایم این اے بن گیا، اس قسم کا الیکشن جمہوریت کے ساتھ مذاق ہوگا۔


یہ پڑھیں : الیکشن کمیشن کا این اے 249 کے انتخابی نتائج روکنے کا حکم

انہوں نے کہا کہ پیپلز پارٹی کے حالات ہر ایک کو معلوم ہیں، پیپلز پارٹی کے امیدوار کی جیت پر تمام جماعتوں نے تنقید کی ہے، ہر الیکشن میں ہارنے والی پارٹی جیتنے والے پر تنقید کرتی ہے، ری الیکشن کا مطالبہ کرتی ہے، عمران خان وہ واحد لیڈر ہیں جو بار بار اس معاملہ پر اتفاق پیدا کرنے کی ضرورت پر زور دے رہے ہیں، ہم اس مسئلہ پر سیاسی جماعتوں کو بات چیت کی دعوت دے چکے ہیں اگر اپوزیشن اصلاحات کے لیے تیار نہیں تو روئے بھی نہیں۔