قلات گھر میں گیس بھر جانےسےدھماکہ 6 افراد زخمی 2کی حالت تشویشناک
پشاور کے علاقے سربند میں بھی گھر میں گیس بھر جانے کے باعث ہونے والےدھماکے میں 3 افراد زخمی ہو گئے۔
زخمیوں کو فوری طور پر قریبی اسپتال منتقل کر دیا گیا ہے۔ فوٹو؛ فائل
سوراب میں ایک گھر میں گیس بھر جانے کے باعث دھماکے سے 6 افراد زخمی ہو گئے۔
ایکسپریس نیوز کے مطابق بلوچستان کے ضلع قلات کے علاقے سوراب کے کلی سرخ محلے کے ایک گھر میں گیس بھر جانے کے باعث دھماکے سے 6 افراد زخمی ہو گئے، زخمیوں کو فوری طور پر قریبی اسپتال منتقل کر دیا گیا ہے جہاں 2 زخمیوں کی حالت تشویشناک بتائی جا رہی ہے۔
پشاور کے علاقے سربند میں بھی ایک گھر میں گیس بھر جانے کے باعث ہونے والے دھماکے کے نتیجے میں ایک خاتون اور ایک بچی سمیت 3 افراد زخمی ہو گئے جنہیں امداد کے لئے اسپتال منتقل کر دیا گیا ہے۔