پاک چین تعلقات آل ویدر اسٹریٹجک کوآپریٹو پارٹنرشپ میں تبدیل ہوگئے وزیراعظم

وزیراعظم عمران خان کا کہنا ہے کہ پاک چین تعلقات کو "آل ویدر اسٹریٹجک کوآپریٹو پارٹنرشپ" میں تبدیل کردیا گیا ہے۔

وزیراعظم عمران خان نے چینی ہم منصب لی کی کیانگ سے ٹیلی فونک رابطہ کرکے پاک چین سفارتی تعلقات کی 70 ویں سالگرہ اورکورونا ویکسین کے تعاون پرتبادلہ خیال کیا، وزیر اعظم عمران خان نےمریخ پر چینی خلائی جہاز کی کامیاب لینڈنگ پرمبارکباد پیش کی۔


وزیراعظم عمران خان کا کہنا تھا کہ پاکستان اور چین نے اپنے تعلقات کو "آل ویدر اسٹریٹجک کوآپریٹو پارٹنرشپ" میں تبدیل کردیا، چین پاکستان اقتصادی راہداری (سی پیک) نے معاشی سرگرمی، روزگار پیدا کیا۔

وزیر اعظم نے کورونا ویکسین کی فراہمی اور پاکستان میں ویکسین تیار کرنے کی سہولت دینے پر چین کا شکریہ ادا کیا اور اسٹریٹجک تعاون مضبوط کرنے کے لئے اعلی سطح کے تبادلے کی ضرورت پرزور دیا۔ دونوں رہنماؤں نے پاک چین دوطرفہ تعلقات کو مزید مستحکم کرنے کے عزم کی تصدیق کی۔