معروف بھارتی گلوکارہ شریا گھوشال کے ہاں بیٹے کی پیدائش

بھارت کی نامور گلوکارہ شریا گھوشال کے ہاں پہلے بچے کی ولادت ہوئی ہے.

گلوکارہ نے سماجی رابطے کی ویب سائٹ ٹویٹر پر مداحوں کو اپنے بیٹے کی ولادت سے متعلق خوشخبری سناتے ہوئے کہا کہ خدا نے ہمیں اولاد جیسی نعمت سے نوازا ہے جس پر پورا خاندان خوش ہے۔

شریا گھوشال نے کہا کہ میں اپنے اہل خانہ کے ساتھ بالکل خوش ہوں جب کہ نیک تمناؤں کا اظہار کرنے پر مداحوں کی شکرگزار ہوں۔

واضح رہے شریا نے 6 سال کی عمر میں کلاسیکل موسیقی کی باقاعدہ تربیت حاصل کی جب کہ 2002 میں معروف فلمساز سنجے لیلا بھنسالی کی سپر ہٹ فلم ''دیوداس'' میں پلے بیک گلوکاری کی شروعات کی جس کے لئے انہیں کئی ایوارڈز بھی ملے۔