سادہ لوح افراد کو بیرون ملک ملازمت کا جھانسہ دیکر رقم ہتھیانے والا ملزم گرفتار

ایف آئی اے انسداد انسانی اسمگلنگ اسلام آباد زون کی ٹیم نے سادہ لوح افراد کو بیرون ملک ملازمت کا جھانسہ دیکر بھاری رقوم ہتھیانے والے ملزم کو گرفتار کرلیا۔

ایف آئی اے حکام کے مطابق انسداد انسانی اسمگلنگ سیل نے ملزم رائے جاوید ندیم کو اسلام آباد میں چھاپہ مارکر گرفتار کیا۔ ملزم نے محمد اشرف کے دو بیٹوں محمد خرم اور دانیال کو ملازمت کا جھانسہ دیکربرطانیہ بیجھوانے کا جھانسہ دیکر 21 لاکھ روپے سے زائد کی رقم ہتھیائی۔


ملزم خود کو حساس ادارے کا ریٹائرڈ کرنل ظاہر کرتا اور سادہ لوح لوگوں کو بیرون ملک ملازمت کے سبز باغ دکھا کر لوٹتا رقوم کے لین دین کے لیے اپنے بیٹے کامران کا اکاونٹ استعمال کرتا تھا۔

ملزم سے متعدد رسیدیں اور دستاویزات سرکاری گاڑیوں میں استعمال ہونے والا سائرن ، بینک کی ڈپازٹ سلپس وغیرہ برآمد ہوئیں جس سے تفتیش میں مزید انکشافات کی توقع ہے۔