بیلا روس میں طوطا کونسلر کا انتخابی امیدوار بن گیا
طوطے کے مالک نے اپنے پالتو طوطے یاشا کی شناختی دستاویز کی فوٹو کاپی الیکشن کمیشن میں جمع کرائی۔
اس اقدام کا مقصد بیلاروس کی سیاست کے بےاثر ہونے کے مسئلے کو اجاگر کرنا ہے، طوطا مالک۔ فوٹو؛ فائل
بیلاروس میں ایک شخص نے کونسلرز کے انتخابات کے لئے اپنے پالتو طوطے کو بطور امیدوار نامزد کرایا ہے۔
بی بی سی کے مطابق بیلاروس میں ایک کارکن نے کونسلرز کے انتخابات میں اپنے طوطے کا امیدوار کے طور پر اندراج کرایا ہے، مالک نے اپنے پالتو طوطے یاشا کی شناختی دستاویز کی فوٹو کاپی الیکشن کمیشن میں جمع کرائی۔
طوطے کے مالک کا کہنا ہے کہ اس کے اس اقدام کا مقصد بیلاروس کی سیاست کے بےاثر ہونے کے مسئلے کو عوامی سطح پر اجاگر کرنا ہے، کونسلر بننا ان کے طوطے کی دیرینہ خواہش تھی اور طوطے کا انتخابی نعرہ رقم کہاں ہے تاہم مالک نے جرمانے سے بچنے کے لئے طوطے کے کاغذات نامزدگی واپس لے لئے ہیں۔