پاورپلانٹ پرآسمانی بجلی گرنے اورمنگلا ڈیم سے کم پانی کے باعث بجلی کی پیداوارمیں کمی

وفاقی وزیرتوانائی حماد اظہر نے بتایا ہے کہ چائنا حب پاور پلانٹ پرآسمانی بجلی گرنے اورمنگلا ڈیم سے کم پانی کے اخراج کی وجہ سے بجلی کی پیداوارمیں کمی ہوئی ہے۔

سماجی رابطے کی ویب سائٹ ٹویٹر پر اپنی ٹویٹ میں وفاقی وزیر برائے توانائی حماد اظہر نے انکشاف کیا کہ چائنا حب پاور پلانٹ پرآسمانی بجلی گرنے اور منگلا ڈیم سے کم پانی کے اخراج کی وجہ سے بجلی کی پیداوارمیں کمی ہوگئی ہے۔

حماد اظہر کا کہنا تھا کہ بجلی کی طلب کو پورا کرنے کیلئے مقامی گیس کا مزید 3 اعشاریہ 75 فیصد مختص کردیا گیا ہے، تاہم پاور سیکٹر کو گیس کی یہ فراہمی چند دنوں کیلیےعارضی طور پر کی گئی ہے۔