نیوزی لینڈ کے جھنڈے سے برطانوی نوآبادیاتی نظام کی نشانی نکالنا چاہتا ہوں وزیراعظم

نیوزی لینڈ کے وزیراعظم جان کی نے قومی جھنڈے سے برطانوی نوآبادیاتی نظام کی نشانی نکالنے کے حوالے ریفرنڈم کرانے کے لیے اپنے سینیررفقا سے مشاورت کا فیصلہ کیا ہے۔


غیرملکی خبر ایجنسی کے مطابق وزیر اعظم جان کی کا کہنا تھا کہ نیوزی لینڈ کے جھنڈے کے ایک کونے میں موجود برطانوی سامراجی نوآبادیاتی نشان کو ختم کرکے اس کی جگہ نیوزی لینڈ کے "فرن" نامی پودے کے پتے کو شامل کرنا چاہتا ہوں جس کو نیوزی لینڈ کی کھیلوں کی ٹیمیں اپنے لباس میں استعمال کرتی ہیں۔ انہوں نے کہا کہ میری ذاتی رائے میں جھنڈے ميں سلیٹی رنگ میں "فرن" کے پتے کو شامل کیا جائے تاہم عوامی رائے اس حوالے سے تقسیم ہے جس کے باعث اپنے سینیررفقا سے مشورے کے بعد ریفرنڈم کرانے کا فیصلہ کیا جائے گا۔