کراچی کے علاقے قصبہ کالونی میں کریکر حملہ اورنگی پائلٹ پروجیکٹ کے ڈائریکٹر زخمی

قصبہ موڑ پر کریکر حملے کے نتیجے میں اورنگی ٹاؤن پائلٹ پروجیکٹ کے ڈائریکٹر سلیم الدین زخمی ہوگئے جب کہ ان کی گاڑی کو بھی شیدید نقصان پہنچا۔


ایکسپریس نیوز کے مطابق کراچی کے علاقے اورنگی ٹاؤن میں قصبہ موڑ کے مقام پر نامعلوم افراد کی جانب سے اورنگی ٹاؤن پائلٹ پروجیکٹ کے ڈائریکٹر سلیم الدین کی گاڑی پر کریکر سے حملہ کیا گیا جس کے نتیجے میں سلیم الدین زخمی جب کہ ان کی گاڑی کو بھی شدید نقصان پہنچا،حملے کے بعد ریسکیو اہلکاروں نے سلیم الدین کو عباسی شہید اسپتال منتقل کردیا جہاں انہیں طبی امداد فراہم کی جارہی ہے۔

واضح رہے کہ گزشتہ سال مارچ میں اس وقت کی پروجیکٹ ڈائریکٹر پروین رحمان کو نامعلوم افراد نے فائرنگ کرکے قتل کردیا تھا۔