نواب شاہبہاولپور سے کراچی آنے والی مسافر بس الٹ گئی16 مسافر زخمی

بہالپور سے کراچی آنےوالی مسافر بس نواب شاہ کے قریب حادثے کا شکار ہوگئی جس میں 16 مسافر زخمی ہوگئے۔


ایکسپریس نیوز کے مطابق مسافر بس بہاولپور سے کراچی آرہی تھی کہ قومی شاہراہ پر تیز رفتاری اور دوسری گاڑیوں کو اوور ٹیک کرنے کے باعث ڈرائیور بس کا توازن برقرار نہ رکھ سکا جس کے باعث بس الٹ گئی،حادثے کے نتیجے میں بس میں سوار 16 مسافر زخمی ہوگئے جنہیں ایمبولینسز اور پولیس موبائلوں کے ذریعے اسکرنڈ اسپتال منتقل کردیا گیا ہے۔

نمائندہ ایکسپریس کا کہنا ہے کہ اسکرنڈ سے سعید آباد تک قومی شاہراہ خستہ حالی کا شکار ہے جس کی مرمت کی جارہی ہے،شاہراہ کی مرمت کے باعث ٹریفک کی آمدرورفت ایک روٹ پر ہی جاری ہے جس کی وجہ سے حادثات معمول بنتے جارہے ہیں۔