کل پاکستان جا رہا ہوں کون میرے ساتھ آئے گا کرس گیل

کرکٹ کے یونیورس باس کرس گیل نے سوشل میڈیا پر اپنے بیان سے ایک بار پھر پاکستانیوں کے دل جیت لیے۔

نیوزی لینڈ کرکٹ ٹیم کی جانب سے سیکیورٹی خدشات پر پاکستان کا دورہ ادھورا چھوڑ کر وطن واپس جانے کے بعد کرس گیل نے اپنے ٹویٹر اکاؤنٹ پر پیغام دیا ہے 'کل پاکستان جا رہا ہوں، کون میرے ساتھ آئے گا؟'

ویسٹ انڈین کرکٹر نے کوئی وضاحت نہیں کی کہ کیا وہ واقعی پاکستان جا رہے ہیں یا نیوزی لینڈ کی جانب سے دورہ ادھورا چھوڑنے پر پاکستان سے اظہار یکجہتی کیلیے انہوں نے ایسا لکھا ہے۔

یہ پڑھیں : نیوزی لینڈ کرکٹ ٹیم خصوصی طیارے سے وطن روانہ

یاد رہے کہ رواں برس پی ایس ایل 6 میں کرس گیل نے کوئٹہ گلیڈی ایٹرز کی نمائندگی کی تھی۔