ایشوریا آج بھی حسین دنیا کی چوتھی خوبصورت خاتون کا اعزازاپنے نام کرلیا
سروے میں کونیکا بیلوسی نے پہلی، کیٹ اپٹن نے دوسری اورانجیلینا جولی نے تیسری پوزیشن حاصل کی
سروے میں دنیا بھر سے 40 لاکھ سے زائد افراد نے اپنی رائے کا اظہار کیا فوٹو:فائل
بالی ووڈ نگری پر راج کرنے والی معروف اداکارہ ایشوریا رائے بچن کو دنیا کی چوتھی خوبصورت خاتون ہونے کا اعزاز حاصل ہوگیا۔
ہالی ووڈ بز کی جانب سے کئے گئے حالیہ سروے میں 14-2013 کی کامیاب، خوبصورت اور دانش مند خواتین کے لئے ووٹنگ کی گئی جس میں دنیا بھر سے 40 لاکھ سے زائد افراد نے اپنی رائے کا اظہار کیا ، سابق بھارتی مس ورلڈ ایشوریا رائے مقابلے میں 14-2013 کی کامیاب خواتین میں چوتھی حسین خاتون قرار دی گئیں ان کے مقابلے میں کونیکا بیلوسی ، کیٹ اپٹن اور انجیلینا جولی نے بالتریب پہلی، دوسری اورتیسری پوزیشن حاصل کی۔
ایشوریا رائے کا اس حوالے سے کہنا تھا کہ مجھے خوشی ہے کہ لوگ آج بھی مجھ سے اتنا لگاؤ رکھتے ہیں اورسروے میں جن لوگوں نے مجھے ووٹ دیا میں ان کی بے حد شکرگزار ہوں۔