دہشت گردوں کیخلاف منظم کارروائیاں کی جائیں آئی جی سندھ

انسپکٹر جنرل پولیس سندھ شاہد ندیم بلوچ نے تمام ڈی آئی جیز کو حکم دیا ہے کہ دہشت گردانہ حملوں سمیت دیگر سنگین جرائم کے مرتکب عناصر اور ان کے سرپرستوں کی بیخ کنی کیلیے پولیس انٹیلی جنس پلان کی حکمت عملی کا جائزہ لے کر دیگر انٹیلی جنس اداروں اور ایجنسیوں کے تعاون سے موثر لائحہ عمل تیار کیا جائے۔

انھوں نے کہا کہ جرائم سے اکثریت میں متاثر ہونیوالے علاقوں اور بالخصوص مضافاتی اور گنجان آبادی والے علاقوں میں ایڈوانس انٹیلی جنس کلیکشن کے ضمن میں مذکرہ علاقوں میں آباد کمیونٹی کو پیش نظر رکھتے ہوئے ذمے داریاں تفویض کی جائیں۔




انھوں نے کہا کہ انٹیلی جنس پر مامور افسران اور جوانوں کے درمیان رابطوں کے علاوہ ایس ایس پیز اور ایس ڈی پی اوز موثر ایکشن کو یقینی بنائیں، انھوں نے کہا کہ ٹارگٹڈ آپریشنز کے تحت بلاامتیاز کارروائیوں کو مزید تیز اور موثر بنایا جائے۔