کامیڈی کے بے تاج بادشاہ عمرشریف کے انتقال پر اسٹارزغمزدہ

اداکار، مصنف، ہدایتکاراورکامیڈی کے بے تاج بادشاہ عمرشریف کے انتقال پراسٹارزغمزدہ ہیں اوردکھ کا اظہارکررہے ہیں۔

عارضہ قلب، گردوں اورذیابیطس کے مرض میں مبتلا کامیڈی کے بے تاج بادشاہ عمرشریف آج جرمنی میں دوران علاج انتقال کر گئے۔ ان کے انتقال کے بعد کامیڈی کی دنیا کا ایک عہد تمام ہوگیا۔ عمر شریف کے انتقال پرسب ہی افسردہ ہیں۔

گلوکارابرارالحق نے کہا کہ ہمیں ہنسانے والا آج رلا کرچلا گیا۔ عمر شریف کی حب الوطنی اورانسان دوستی کو نہیں بھلایا جاسکتا۔

گلوکار و اداکار علی ظفر نے کہا کہ دکھ کے اظہار کے لیے الفاظ نہیں ہیں، خدا عمرشریف کو جنت میں جگہ دے۔

اداکارعدنان صدیقی نے کہا کہ آپ نے ہمیں بہت ہنسایا اوراب ہمیں چھوڑکرچلے گئے۔ ہم سب بہت افسردہ ہیں۔

فیصل قریشی نے کہا کہ عمرشریف کے انتقال کی خبرسن کرغمگین ہوں۔ وہ انڈسٹری کے حقیقی اداکارتھے۔ خدا انہیں جنت نصیب کرے۔

 

معروف نیوزاینکروسیم بادامی نے بھی ٹوئٹ کرتے ہوئے کہا کہ عمربھائی اب ہم میں نہیں رہے۔