پشاور میں زیر تعمیر عمارت کی چھت گرنے سےایک شخص جاں بحق 24 زخمی
اکثر زخمیوں کو ابتدائی طبی امداد دے کر فارغ کردیا گیا ہے تاہم کچھ کی حالت تشویشناک ہے، اسپتال انتظامیہ
رنگ روڈ کے قریب زیر تعمیر عمارت کی چھت ڈالنے کا کام جاری تھا کہ اچانک چھت زمین بوس ہوگئی اور کئی مزدور ملبے تلے دب گئے۔ فوٹو: فائل
رنگ روڈ کے قریب زیر تعمیر عمارت کی چھت گرنے سے ایک شخص جاں بحق جبکہ 24 زخمی ہوگئے۔
ایکسپریس نیوز کے مطابق رنگ روڈ کے قریب زیر تعمیر عمارت کی چھت ڈالنے کا کام جاری تھا کہ اچانک چھت زمین بوس ہوگئی اور کئی مزدور ملبے تلے دب گئے۔ واقعے کی اطلاع پر امدادی ٹیمیں پہنچ گئیں جنہوں نے تمام زخمیوں کو بروقت لیڈی ریڈنگ اسپتال منتقل کردیا جہاں ایک شخص زخموں کی تاب نہ لاتے ہوئے دم توڑ گیا۔
اسپتال انتطامیہ کے مطابق اکثر زخمیوں کو ابتدائی طبی امداد دے کر فارغ کردیا گیا ہے تاہم کچھ کی حالت تشویشناک ہے جن کا علاج معالجہ کیا جارہا ہے۔