وزیر اعظم کی سفارش پرپولیس کانسٹیبل جمال کلہوڑو کو تمغہ شجاعت دینے کی سمری منظور

وزیر اعظم عمران خان کی سفارش پر سندھ پولیس کے کانسٹیبل جمال کلہوڑو کو تمغہ شجاعت دینے کی سمری منظور کر لی گئی ہے۔

ایکسپریس نیوز کے مطابق کانسٹیبل جمال کلہوڑو کو 23 مارچ یوم پاکستان کے موقع پر تمغہ شجاعت سے نوازا جائے گا۔ رواں سال اگست میں وزیر اعظم عمران خان نے اپنے ٹوئٹر ہینڈل سے مذکورہ کانسٹیبل کی فرض شناسی اور حاضر دماغی کو سرا ہتے ہوئے کہا تھا کہ وہ یوم پاکستان کے موقع پر کانسٹیبل جمال کلہوڑو کو تمغہ شجاعت سے نوازنے کا فیصلہ کر چکے ہیں۔

واضع رہے کہ چلتی ٹرین سے گرنے والے مسافر کی جان بچانے والے پولیس کانسٹیبل جمال کلہوڑو کی ویڈیو وائرل ہوگئی تھی جسے دیکھ کر عمران خان صدرِ پاکستان ڈاکٹر عارف علوی سے انہیں تمغہ شجاعت دینے کی تجویز دی تھی۔