شمالی کوریا میں امریکا پر ایٹمی حملے کیلیے تیار کردہ میزائلوں کی نمائش
اپنی فوج کو امریکا سے مقابلہ کرنے کے لیے ناقابل تسخیر بنائیں گے، کم جونگ اُن
نمائش میں بین البراعظم بیلسٹک میزائلوں کی بھی نمائش کی گئی، فوٹو: فائل
شمالی کوریا کے حکمراں کم جونگ اُن نے امریکی سرزمین پر ایٹمی حملے کے لیے تیار کیے گئے طاقتور میزائلوں کا جائزہ لیا اور امریکا کے مقابلے میں ایک ناقابل تسخیر فوج کے قیام کے عزم کا اظہار کیا۔
عالمی خبر رساں ادارے کے مطابق شمالی کوریا کے حکمراں کم جونگ اُن نے ہتھیاروں کے نظام کی ایک نادر نمائش کا معائنہ کیا جس میں امریکا پر ایٹمی حملے کے لیے تیار کردہ میزائل بھی رکھے گئے تھے۔
ہتھیاروں کی نمائش کی تقریب سے جذباتی خطاب کرتے ہوئے کم جونگ اُن نے کہا کہ وہ اسلحے اور ٹیکنالوجی کی مدد سے اپنی فوج کو امریکا سے مقابلے کے لیے ناقابل تسخیر بنائیں گے۔
کم جونگ اُن نے امریکا کو جزیرہ نما کوریا میں عدم استحکام کا ذمہ دار ٹھہراتے ہوئے الزام عائد کیا کہ امریکا کے غلط اور جانبدار فیصلوں کی وجہ سے خطے میں کشیدگی پیدا ہوئی اور کوریائی عوام کو ایک دوسرے کے سامنے کھڑا کردیا گیا۔
شمالی کوریا کے حکمراں نے مزید کہا کہ امریکا بار بار شمالی کوریا کے ساتھ دشمنی سے انکار کرتا آیا ہے تاہم اب تک ایک بھی ایسا اقدام نہیں اُٹھایا گیا جس سے یہ ثابت ہو کہ وہ شمالی کوریا کا دشمن نہیں ہے۔
کم جونگ اُن نے اپنی تقریر میں جنوبی کوریا کو بھی امریکا سے قریب ہونے پر شدید تنقید کا نشانہ بنایا جب کہ شمالی کوریا کی ہتھیاروں کی تیاری پر نکتہ چینی پر اقوام متحدہ سمیت عالمی قوتوں کو بھی آڑے ہاتھوں لیا۔
شمالی کوریا کے میڈیا کی جانب سے جاری تصاویر میں کم جونگ اُن کو سیاہ لباس میں سرخ قالین پر ٹرکوں پر نصب بڑے میزائلوں اور راکٹ لانچ سسٹم کے ساتھ چلتے ہوئے دیکھا جا سکتا ہے جب کہ جیٹ طیارے فضا میں پرواز کر رہے ہیں۔
واضح رہے کہ 2017 میں شمالی کوریا نے بین البراعظم مار کرنے والے تین بیلسٹک میزائلوں کا کامیاب تجربے کے بعد دعویٰ کیا تھا کہ امریکی سرزمین پر ایٹمی میزائلوں سے حملہ کرنے کی صلاحیت حاصل کرلی ہے۔
عالمی خبر رساں ادارے کے مطابق شمالی کوریا کے حکمراں کم جونگ اُن نے ہتھیاروں کے نظام کی ایک نادر نمائش کا معائنہ کیا جس میں امریکا پر ایٹمی حملے کے لیے تیار کردہ میزائل بھی رکھے گئے تھے۔
ہتھیاروں کی نمائش کی تقریب سے جذباتی خطاب کرتے ہوئے کم جونگ اُن نے کہا کہ وہ اسلحے اور ٹیکنالوجی کی مدد سے اپنی فوج کو امریکا سے مقابلے کے لیے ناقابل تسخیر بنائیں گے۔
کم جونگ اُن نے امریکا کو جزیرہ نما کوریا میں عدم استحکام کا ذمہ دار ٹھہراتے ہوئے الزام عائد کیا کہ امریکا کے غلط اور جانبدار فیصلوں کی وجہ سے خطے میں کشیدگی پیدا ہوئی اور کوریائی عوام کو ایک دوسرے کے سامنے کھڑا کردیا گیا۔
شمالی کوریا کے حکمراں نے مزید کہا کہ امریکا بار بار شمالی کوریا کے ساتھ دشمنی سے انکار کرتا آیا ہے تاہم اب تک ایک بھی ایسا اقدام نہیں اُٹھایا گیا جس سے یہ ثابت ہو کہ وہ شمالی کوریا کا دشمن نہیں ہے۔
کم جونگ اُن نے اپنی تقریر میں جنوبی کوریا کو بھی امریکا سے قریب ہونے پر شدید تنقید کا نشانہ بنایا جب کہ شمالی کوریا کی ہتھیاروں کی تیاری پر نکتہ چینی پر اقوام متحدہ سمیت عالمی قوتوں کو بھی آڑے ہاتھوں لیا۔
شمالی کوریا کے میڈیا کی جانب سے جاری تصاویر میں کم جونگ اُن کو سیاہ لباس میں سرخ قالین پر ٹرکوں پر نصب بڑے میزائلوں اور راکٹ لانچ سسٹم کے ساتھ چلتے ہوئے دیکھا جا سکتا ہے جب کہ جیٹ طیارے فضا میں پرواز کر رہے ہیں۔
واضح رہے کہ 2017 میں شمالی کوریا نے بین البراعظم مار کرنے والے تین بیلسٹک میزائلوں کا کامیاب تجربے کے بعد دعویٰ کیا تھا کہ امریکی سرزمین پر ایٹمی میزائلوں سے حملہ کرنے کی صلاحیت حاصل کرلی ہے۔