ڈی جی آئی ایس آئی سے متعلق سوال پر وزیراعظم مسکرادیے

پاکستانی خفیہ ادارے انٹر سروسز انٹیلی جنس (آئی ایس آئی) کے نئے سربراہ کی تقرری سے متعلق سوال پر وزیراعظم عمران خان مسکرادیے۔

لیفٹیننٹ جنرل فیض حمید کی جگہ لیفٹیننٹ جنرل ندیم احمد انجم کو نیا ڈی جی آئی ایس آئی بنانے کا فیصلہ کیا گیا ہے تاہم تاحال ان کی تقرری نہیں ہوسکی۔


یہ بھی پڑھیں: نئے ڈی جی آئی ایس آئی لیفٹیننٹ جنرل ندیم احمد انجم ہی ہوں گے، ذرائع

وزیراعظم نے پی ٹی آئی اور اتحادی جماعتوں کی پارلیمانی پارٹی کا ہنگامی اجلاس آج طلب کیا۔ وزیراعظم آفس نے اراکین قومی اسمبلی کو ٹیلیفون کرکے فوری طور پر اجلاس میں شرکت کے لیے بلالیا۔ جس پر ارکان نے شکوہ کیا کہ اپنے حلقوں سے اتنی جلدی کیسے پہنچیں۔

وزیراعظم جب اجلاس میں شرکت کے لیے پارلیمنٹ پہنچے تو صحافی نے ان سے سوال کیا کہ وزیراعظم صاحب ڈی جی آئی ایس آئی کا نوٹیفکیشن کب آئے گا اور موجودہ بحران کب ختم ہوگا؟۔ اس پر وزیراعظم عمران خان مسکراتے ہوئے جواب دیے بغیر کمیٹی روم میں داخل ہوگئے۔