کراچی میں پولیس موبائل پر فائرنگ کا مقدمہ نامعلوم افراد کے خلاف درج
مقدمہ اے ایس آئی غلام شبیر کی مدعیت میں انسداد دہشت گردی اور قتل اور اقدام قتل کی دفعات لگا کر درج کیا گیا۔
ابراہیم حیدری میں موٹرسائیکل پر سوار نامعلوم مسلح افراد کی پولیس موبائل پر فائرنگ سے 4 اہلکار جاں بحق ہو گئے تھے۔ فوٹو؛ ایکسپریس
گزشتہ روز ابراہیم حیدری میں پولیس موبائل پر فائرنگ کا مقدمہ نا معلوم افراد کے خلاف درج کر لیا گیا۔
ایکسپریس نیوز کے مطابق کراچی کے علاقے ابراہیم حیدری میں پولیس موبائل پر فائرنگ کا مقدمہ نا معلوم افراد کے خلاف درج کر لیا گیا ہے، مقدمہ اے ایس آئی غلام شبیر کی مدعیت میں انسداد دہشت گردی اور قتل اور اقدام قتل کی دفعات لگا کر درج کیا گیا۔
واضح رہے کہ گزشتہ روز ابراہیم حیدری میں موٹر سائیکل پر سوار نامعلوم مسلح افراد کی پولیس موبائل پر فائرنگ سے 4 اہلکار انسپکٹر محمد فراز، کانسٹیبل شفیع احمد، اخترعلی اوردیدارعلی جاں بحق ہوگئےتھے۔