پاکپتن میں نجی کالج کی بس کھائی میں گرنے سے طالبہ جاں بحق 10 طالبات سمیت 14 افراد زخمی

چک پاٹی پور میں نجی کالج کی بس کھائی میں گرنے سے ایک طالبہ جاں بحق جبکہ 10طالبات سمیت 14 افراد زخمی ہو گئے۔

ایکسپریس نیوز کے مطابق پاکپتن کے علاقے چک پاٹی پور میں نجی کالج کی بس تیز رفتاری کے باعث کھائی میں گرنے سے ایک طالبہ جاں بحق جبکہ 10 طالبات سمیت 14 افراد زخمی ہو گئے۔ امدادی ٹیموں کے اہلکاروں نے زخمیوں کو فوری طور پر اسپتال منتقل کر دیا ہے جہاں 6 زخمیوں کی حالت تشویشناک بتائی جا رہی ہے۔

پولیس حکام کا کہنا ہے ایف آئی آر درج کر کے کہ واقعے کی تحقیقات کا آغاز کر دیا ہے، واقعے کی تفصیلات سامنے آنے کے بعد ہی کوئی کارروائی عمل میں لائی جائے گی۔