’’روبوکوپ‘‘ سلسلے کی نئی ایکشن فلم ریلیز کیلیے تیار

FAISALABAD:
روبو کوپ ایکبار پھر مجرموں کو مزا چکھانے واپس آ رہا ہے، ہالی ووڈ کی بلاک بسٹر سائنس فکشن ایکشن سیریز''روبوکوپ'' سلسلے کی نئی فلم ریلیز کے لیے تیار ہے جسکا فائنل ٹریلر اور ٹیزرز جاری کر دیے گئے ہیں۔

جی ہاں بالکل1987کی سائنس فکشن فلم روبوکوپ کا ریمیک تیار ہو گیا ہے جو روبوکوپ سیریز کے سلسلے کی ریبوٹ فلم کہلائے گا۔ ہدایتکار جوز پڈلہا کی اس فلم میں جوئیل کنامین، گیری اولڈمین، مائیکل کیٹن، سیموئیل ایل جیکسن اور ایبی کارنش سمیت دیگر ہالی ووڈ اداکار اہم کردار ادا کر رہے ہیں۔ فلم کی کہانی ایک جانباز پولیس افسر ایلکس مرفی کے گرد گھومتی ہے ۔




جو دورانِ ڈیوٹی شدید زخمی ہو جاتا ہے جس کے بعداومنی کورپ نامی روبوٹک فرم اسے روبوکوپ (آدھا انسان،آدھا روبوٹ) میں تبدیل کر دیتی ہے اور وہ ہر قسم کے مجرموں کا مقابلہ کرتا نظر آتا ہے۔ 120ملین ڈالرکی لاگت سے بننے والی روبوکوپ سلسلے کی یہ نئی فلم 12فروری کو امریکا سمیت دنیا بھر کے سنیما گھروں کی زینت بنا دی جائیگی۔