ادویہ کی رجسٹریشن اور قیمتوں کے کنٹرول کیلئے نیا نظام بنانے کا فیصلہ

حکومت نے ادویہ کی رجسٹریشن اور ان کی قیمتوں کو قابو میں رکھنے کے لیے نیا نظام مرتب کرنے کافیصلہ کیا ہے اوراس مقصد کیلیے وزارت نیشنل ہیلتھ ریگولیشنز میں ادویہ کی رجسٹریشن اور قیمتوں کا میکینزم بنانے کی غرض سے پالیسی بورڈ کا اجلاس رواں ہفتے طلب کیا جا رہا ہے۔

ذرائع نے آن لائن کو بتایا کہ ادویہ کی قیمتوں اور رجسٹریشن کے ساتھ ساتھ نجی اسپتالوں میں مریض سے لی جانیوالی فیسوں کے اسٹرکچر کو بھی قانونی ضابطے میں لایا جائے گا۔




ذرائع نے مزید بتایا کہ وزارت نیشنل ہیلتھ پر ادویہ کی قیمتوں کے مناسب تعین اور مارکیٹ میں جان بچانے والی ادویہ کی فراہمی کیلیے دبائو بڑھ گیا ہے۔ ذرائع نے بتایا کہ ادویہ کی 150سے زائد نیشنل اور ملٹی نیشنل کمپنیاں قیمتیں بڑھانے کے حوالے سے عدالت میں جاچکی ہیں۔ دوسری طرف یہ کمپنیاں عدالتوںمیں کیسز کا بہانہ بنا کر لوگوں سے منہ مانگی قیمتیں وصول کررہی ہیں۔