فواد خان کو بالی وڈ کی یاد ستانے لگی

SARGODHA:
پاکستان کے معروف اداکار فواد خان کو بالی وڈ میں گزارے دن یاد آرہے ہیں اور اس کی وجہ خود اداکار نے بتا دی ہے۔

اپنے ایک حالیہ انٹرویو میں فواد خان نے کہا کہ میں بھارت میں کام کرنے کو یاد کر رہا ہوں، میں نے بھارت میں کام کیا اور وہاں چند اچھے دوست بھی بنائے جن سے اب بھی رابطے میں ہوں۔


فواد خان نے کہا کہ مجھے ممبئی شہر یاد آتا ہے، ممبئی ایک خوبصورت شہر ہے، بھارت کے جن شہروں کا دورہ کیا وہاں اچھا تجربہ رہا۔

خیال رہے کہ فواد خان صنم سعید کے ساتھ بہت جلد او ٹی ٹی پلیٹ فارم پر بننے والی بھارتی ویب سیریز میں نظر آئیں گے تاہم اس سیریز کے حوالے سے تفصیلات تاحال سامنے نہیں آئیں۔