اریبہ حبیب کی دلہن بن کر والد کے ساتھ انٹری کی ویڈیو وائرل

NEW DELHI:
پاکستانی ڈرامہ انڈسٹری کی خوبرو اداکارہ اربیہ حبیب نے اپنی بارات میں والد کے ساتھ انٹری کر کے انوکھی روایت قائم کردی۔

پاکستان میں ہونے والی شادیوں میں عام طور پر نکاح کے بعد ہونے والی تقریب میں دلہن دلہا اسپاٹ لائٹ میں استقبالیہ سے اسٹیج تک جاتے ہیں اور اس دوران بیک گراؤنڈ میں مختلف گانے بھی بجائے جاتے ہیں۔

ایک روز قبل سعدین شیخ کے ساتھ رشتہ ازدواج میں منسلک ہونے والی اداکارہ نے آج بارات والے روز اپنے والد کا ہاتھ پکڑ کر ہال میں انٹری کی تو انہیں دیکھ کر مہمان خوش ہوئے۔

اس انٹری کے بعد سعدین شیخ بھی اپنی فیملی کے ہمراہ ہال میں داخل ہوئے۔

اریبہ حبیب کی بارات میں شوبز انڈسٹری سے وابستہ معروف شخصیات جن میں اداکارہ ژالے سرحدی، سارہ علی، ایمن خان، سمبل اقبال، صدف کنول، شہروز سبزواری، ایاز سمو، خاور سمیت دیگر شرکت کی اور نئے سفر کے لیے نیک تمناؤں کا اظہار بھی کیا۔