لاہورمیں داتا دربار سے 3 ماہ کی بچی اغوا

ISLAMABAD:
لاہور میں داتا دربار سے 3 ماہ کی بچی کو اغوا کرلیا گیا۔

داتا دربارسے 3 ماہ کی بچی کواغوا کرلیا گیا۔بچی کے ماموں کی مدعیت میں اغوا کا مقدمہ درج کرلیا گیا۔

ایف آئی آر کے مطابق والدہ اپنی 3 ماہ کی بچی کواپنے 10 سال کے بیٹے احتشام کے پاس چھوڑ کرسلام کرنے گئی تونامعلوم عورت احتشام کو ورغلا کربچی کولے گئی۔


ترجمان پنجاب پولیس کا کہنا ہے کہ اغوا کار خاتون کی گرفتاری کے لئے سرچ آپریشن شروع کردیا گیا ہے۔

آئی جی پنجاب راؤ سردار علی خان نے رداتا دربار سے 3 ماہ کی بچی کے اغواء کا نوٹس لیتے ہوئے سی سی پی او لاہور سے واقعہ کی رپورٹ طلب کرلی۔

آئی جی پنجاب نے بچی کوبحفاظت بازیاب کروا کے جلد والدین کے حوالے کرنے کی ہدایت کی۔