ہنگو میں نامعلوم افراد کی فائرنگ سے دو ٹریفک پولیس اہلکار شہید

دوابہ میں میں نامعلوم افراد نے فائرنگ کرکے دو ٹریفک پولیس اہلکار شہید کردیئے۔

پولیس حکام کے مطابق خیبرپختون خوا کے ضلع ہنگو کے علاقہ دوابہ میں نامعلوم موٹر سائیکل سوار مسلح افراد نے فائرنگ کرکے دو پولیس اہلکاروں کو شہید کردیا۔


پولیس حکام نے بتایا کہ پولیس اہلکار اپنی ڈیوٹی انجام دے رہے تھے، کہ اس دوران ان پر حملہ کردیا گیا، مسلح ملزمان موٹر سائیکل پر سوار تھے، اور واردات کے بعد فرار ہوگئے۔ واقعے کی اطلاع ملتے ہی پولیس کی بھاری نفری جائے وقوعہ پر پہنچ گئی، اور شواہد اکٹھے کرکے تحقیقات شروع کردی گئی ہے، جب کہ علاقے کو گھیرے میں لے کر سرچ آپریشن شروع کردیا گیا ہے۔