پی ایس پی نے پیکا ترمیمی آرڈیننس مسترد کردیا
حکومت اپنی نااہلی چھپانا چاہتی ہے اور میڈیا کی زبان بندی سے خوف میں مبتلا رکھنا چاہتی ہے، مصطفیٰ کمال
مصطفیٰ کمال نے کہا حکومت کے متنازع آرڈیننس سیاسی مخالفین کو خاموش کرنے کیلئے ہے—فائل فوٹو
لاہور:
پاک سرزمین پارٹی (پی ایس پی) کے چیئرمین سید مصطفیٰ کمال نے صدارتی آرڈیننس کے ذریعے پیکا میں ترمیم کو مسترد کرتے ہوئے کہا کہ اپنے ہر وعدے اور دعوے پر یوٹرن لینے والے اور عوامی ردعمل سے خوفزدہ حکمران مذکورہ قانون کی آڑ میں ناصرف اپنی نااہلی اور ناکامی چھپانا بلکہ میڈیا اور عوام کی زبان بندی کرکے انہیں خوف اور دہشت میں مبتلا رکھنا چاہتے ہیں۔
پاکستان ہاؤس میں یو ٹیوبرز کے وفد سے گفتگو کرتے ہوئے انہوں نے کہا کہ پیکا ترمیمی آرڈیننس کا مقصد ظالم اور نااہل حکمرانوں کے خلاف تنقیدی نقطہ نظر کو روکنا ہے، ہمارے معاشرے میں پہلے ہی غلط کو غلط اور صحیح کو صحیح کہنے کی اخلاقی جرات کم ہے وہاں یہ قانون معاشرے کے لیے تباہ کن ثابت ہوگا۔
مصطفیٰ کمال نے مزید کہا کہ افسوس کی بات یہ ہے کہ موجودہ حکومت اپنی کارکردگی کے بجائے متنازع آرڈیننس کے زریعے سیاسی مخالفین کو خاموش کروانا چاہتی ہے، ملک و قوم کے مفاد کو مد نظر رکھتے ہوئے کوئی قانون سازی نہیں کی جارہی۔
انہوں نے کہا کہ آزاد میڈیا ملکی سلامتی کا ضامن اور ریاست کا اہم ستون ہے، ملک کی تعمیر و ترقی اور اخلاقی اقدار کے تحفظ کے لیے ضروری ہے کہ میڈیا اپنا مثبت کردار ادا کرنے کے لیے پوری طرح آزاد ہو بالخصوص سوشل میڈیا کے زریعے اٹھنے والی آوازوں نے ماضی میں کئی غلط فیصلوں اور زیادتیوں کو روکنے سمیت مظلوموں کو انصاف کی فراہمی یقینی بنانے میں اپنا کردار ادا کیا ہے۔
سربراہ پی ایس پی نے کہا کہ حکومت تمام فریقین کو شامل کر کے قانون سازی کرے نہ کہ صدارتی آرڈیننس کے ذریعے عوام کی آواز دبائے، مذکورہ قانون سے میڈیا اور عوام میں شدید بے چینی پائی جا رہی ہے۔ علاوہ ازیں پاک سر زمین پارٹی حکومت سے پیکا قانون کو فوری بنیادوں پر واپس لینے کا مطالبہ کیا۔
پاک سرزمین پارٹی (پی ایس پی) کے چیئرمین سید مصطفیٰ کمال نے صدارتی آرڈیننس کے ذریعے پیکا میں ترمیم کو مسترد کرتے ہوئے کہا کہ اپنے ہر وعدے اور دعوے پر یوٹرن لینے والے اور عوامی ردعمل سے خوفزدہ حکمران مذکورہ قانون کی آڑ میں ناصرف اپنی نااہلی اور ناکامی چھپانا بلکہ میڈیا اور عوام کی زبان بندی کرکے انہیں خوف اور دہشت میں مبتلا رکھنا چاہتے ہیں۔
پاکستان ہاؤس میں یو ٹیوبرز کے وفد سے گفتگو کرتے ہوئے انہوں نے کہا کہ پیکا ترمیمی آرڈیننس کا مقصد ظالم اور نااہل حکمرانوں کے خلاف تنقیدی نقطہ نظر کو روکنا ہے، ہمارے معاشرے میں پہلے ہی غلط کو غلط اور صحیح کو صحیح کہنے کی اخلاقی جرات کم ہے وہاں یہ قانون معاشرے کے لیے تباہ کن ثابت ہوگا۔
مصطفیٰ کمال نے مزید کہا کہ افسوس کی بات یہ ہے کہ موجودہ حکومت اپنی کارکردگی کے بجائے متنازع آرڈیننس کے زریعے سیاسی مخالفین کو خاموش کروانا چاہتی ہے، ملک و قوم کے مفاد کو مد نظر رکھتے ہوئے کوئی قانون سازی نہیں کی جارہی۔
انہوں نے کہا کہ آزاد میڈیا ملکی سلامتی کا ضامن اور ریاست کا اہم ستون ہے، ملک کی تعمیر و ترقی اور اخلاقی اقدار کے تحفظ کے لیے ضروری ہے کہ میڈیا اپنا مثبت کردار ادا کرنے کے لیے پوری طرح آزاد ہو بالخصوص سوشل میڈیا کے زریعے اٹھنے والی آوازوں نے ماضی میں کئی غلط فیصلوں اور زیادتیوں کو روکنے سمیت مظلوموں کو انصاف کی فراہمی یقینی بنانے میں اپنا کردار ادا کیا ہے۔
سربراہ پی ایس پی نے کہا کہ حکومت تمام فریقین کو شامل کر کے قانون سازی کرے نہ کہ صدارتی آرڈیننس کے ذریعے عوام کی آواز دبائے، مذکورہ قانون سے میڈیا اور عوام میں شدید بے چینی پائی جا رہی ہے۔ علاوہ ازیں پاک سر زمین پارٹی حکومت سے پیکا قانون کو فوری بنیادوں پر واپس لینے کا مطالبہ کیا۔