پنجاب کے صوبائی وزیر کا عبدالعلیم خان کیساتھ چلنے سے انکار

کراچی:
پنجاب کے وزیر برائے توانائی اختر ملک نے پی ٹی آئی ناراض گروپ کے راہنما عبدالعلیم خان کا ساتھ دینے سے انکار کر دیا۔

صوبائی وزیر نے علیم خان کو جواب دیا کہ مشکل وقت میں پارٹی نہیں چھوڑ سکتا۔


پنجاب اسمبلی کے تین ارکان نے رابطہ کرنے پر عبدالعلیم خان کو جواب دے دیا ہے۔ صوبائی وزیر کی دو روز قبل علیم خان سے ملاقات ہوئی تھی۔

وزیراعلیٰ پنجاب عثمان بزدار نے صوبائی وزیر اختر ملک سے رابطہ کرکے ملاقات کے لیے بلا لیا ہے۔

واضح رہے کہ پی ٹی آئی ناراض گروپ کے راہنما علیم خان آج برطانیہ روانہ ہوگئے ہیں جہاں انکی جہانگیر ترین سے سیاسی صورتحال پر گفتگو ہوگی۔ علیم خان کچھ روز قبل جہانگیر ترین گروپ میں شامل ہوئے تھے۔