آغا خان بورڈ نویں اور دسویں جماعت کے نتائج کا اعلان

آغا خان یونیورسٹی ایگزامینیشن بورڈ (اے کے یو۔ای بی) نے آج سیکنڈری اسکول سرٹیفکیٹ نویں اور دسویں جماعت کے سالانہ امتحان کے نتائج کا اعلان کردیا، اس سال شاہ ولایت پبلک اسکول کے سید وہاج احمد نے90.27فیصد نمبروںکے ساتھ پہلی پوزیشن، المرتضیٰ اسکول کی صدف بتول رضوی نے90.18 فیصد نمبروںکے ساتھ دوسری اور سلطان محمد شاہ آغا خان اسکول کے شہریار فاروق اور حبیب گرلز اسکول کی زہرا حسینی نے 90.09فیصد نمبروںکے ساتھ مشترکہ طور پر تیسری پوزیشن حاصل کی


اس سال کامیابی کی مجموعی شرح 84.4فیصد رہی جس میں سے11.35فیصد طلبا نےA1 گریڈ حاصل کیا جبکہ26فیصد طلبا نےAگریڈ حاصل کیا، اے کے یو۔ای بی کی ایسوسی ایٹ ڈائریکٹرکریمہ کارا نے کہاکہ سیکنڈری اسکول سرٹیفکیٹ کسی بھی طالب علم کی زندگی کا ایک اہم سنگ میل ہوتا ہے، اے کے یو ۔ای بی نے ایس ایس سی کے سالانہ نتائج www.aku.edu/akueb پرشائع کردیے ہیں ۔