ق لیگ ایم کیو ایم 24مارچ کے بعد حکومت سے الگ ہوجائیں گی منظور وسان

مشیر زراعت سندھ منظور وسان نے پیشگوئی کی ہے کہ 23 اور 24 مارچ کے بعد ق لیگ اور ایم کیو ایم حکومت سے الگ ہوکر اپوزیشن میں آنے کا اعلان کریں گی۔

جاری کردہ بیان میں انہوں نے پیشگوئی کی کہ 28 مارچ سے پہلے عمران خان کے دن پورے ہونے والے ہیں اور انکو جیل بھیجنے کی تیاریاں کی جارہی ہیں، عمران خان کو اڈیالا جیل یا تو پھر خیرپور سینٹرل جیل میں رکھا جائے گا۔


منظور وسان نے کہا کہ عوام، اپوزیشن اور اتحادیوں کا پہلا ہدف عمران خان کو ہٹانا ہے، ہوسکتا ہے کہ عدم اعتماد کے بعد کیئر ٹیکر حکومت بنے، شہباز وزیراعظم ہوں گے اور پھر عام انتخابات کروائیں جائیں گے۔

انہوں نے کہا کہ قومی اسمبلی کا اجلاس دیر سے بلوانے کا مقصد عمران خان نے شکست تسلیم کرلی ہے اور اب عمران خان کا کھیل ختم ہوچکا ہے، حلوہ تیار پڑا ہے دیکھتے ہیں کھاتا کون ہے، مولوی کا بھی زور ہے اور ہم بھی تیار ہیں۔

مشیر زراعت سندھ نے کہا کہ میں نے کہا تھا کہ جنوری، فروری اور مارچ یہ تین ماہ میں کھچڑی پکے گی، اب صورتحال سب کے سامنے ہے۔