ماں اور بہن کے قتل میں ملوث ملزم کو عمر قید اور جرمانے کی سزا

یڈیشنل ڈسٹرکٹ اینڈ سیشن جج وسطی عالیہ انڑ نے بہن اور اپنی والدہ کے قتل میں ملوث ملزم محمد علی کو جرم ثابت ہونے پر عمر قید اور ایک لاکھ روپے جرمانے کی سزا سنائی ہے، ملزم کو جرمانے کی عدم ادائیگی پر مزید ایک برس جیل میں رہنا ہوگا، استغاثہ کے مطابق 20اگست 2007کو گلبرگ کے علاقے میں ملزم نے اپنی والدہ مسماۃ جمیلہ اور بہن ثمینہ پر بدکرداری کا الزام عائد کرتے ہوئے تیزدار آلے سے گلے کاٹ دیے تھے اور تھانہ گلبرگ میں خود گرفتاری پیش کردی تھی


بعدازاں جوڈیشل مجسٹریٹ وسطی عظمی ملک کے روبرو ضابطہ فوجداری کی ایکٹ 164کے تحت اپنے جرم کا بھی اعتراف کیا تھا، عدالت نے ملزم کیلیے سرکاری خرچ پر وکیل بھی مقرر کیا تھا تاہم ایک ماہ قبل ملزم نے تحریری طور پر فاضل عدالت سے سزا سنانے کی استدعا کی تھی، ملزم کے خلاف تھانہ گلبرگ میں مقدمہ درج تھا

علاوہ ازیں ایڈیشنل ڈسٹرکٹ اینڈ سیشن جج جوڈیشل کمپلیکس جاوید احمد کیریو نے کے ای ایس سی کے لیگل ایڈوائزر فہیم الکریم ایڈووکیٹ، واجد مغل اور مسماۃ قرۃ العین کے تہرے قتل میں ملوث ریحان خان نیازی کی جانب سے دائر درخواست ضمانت پر اسپیشل پبلک پراسیکیوٹر اور وکیل صفائی کے حتمی دلائل مکمل ہونے پر فاضل عدالت نے فیصلہ11جولائی تک محفوظ کرلیا ہے،