آئی پی ایل میں مشکوک کام شروع نوبالز کی بہتات پر ولیمسن حیران

آئی پی ایل میں مشکوک کام شروع ہو گئے جب کہ راجستھان رائلز سے میچ کے دوران نوبالز کی بہتات پر سن رائزرز حیدرآباد کے کپتان کین ولیمسن بھی حیران رہ گئے۔


پہلے بولنگ کا فیصلہ کرنے والی حیدرآباد کی ٹیم کے سینئر پیسر بھونیشور کمار کا ابتدائی اوور میں پاؤں کریز سے باہر چلا گیا، جس کی وجہ سے ایج پر سلپ میں کیچ ہونے والے جوز بٹلر کواننگز جاری رکھنے کا موقع مل گیا، صرف پاور پلے میں 4 نوبالز ہوئیں جس کا فری ہٹس پر راجستھان نے بھرپور فائدہ اٹھایا۔

کین ولیمسن نے کہا کہ میں خود اتنی نوبالز پر حیران رہ گیا، یہ ایک ایسا مسئلہ ہے جس پر ہمیں اگلے میچز میں خاص طور پر توجہ دینا ہوگی۔