کرکٹر شاداب خان نے رمضان المبارک میں عمرے کی سعادت حاصل کرلی

پاکستانی آل راؤنڈر شاداب خان نے رمضان المبارک کے مقدس مہینے میں عمرے کی سعادت حاصل کرلی۔

شاداب خان نے عمرے کی سعادت حاصل کرنے کی خوشخبری ٹوئٹر پر مداحوں کے ساتھ شیئر کرتے ہوئے مکہ سے احرام میں ملبوس اپنی تصویر بھی شیئر کی۔


شاداب خان نے ٹوئٹر پیغام میں لکھا ''الحمداللہ، میں نے عمرے کی سعادت حاصل کرلی۔ اپنے ملک کے لیے، انسانیت کے لیے، امن کے لیے، خوشحالی کے لیے اور سب سے بڑھ کر سب کے لیے صحت کی دعا کی۔ اللہ آپ سب کو خوش رکھے''۔

شاداب خان کی جانب سے یہ خبر شیئر کیے جانے کے بعد پی ٹی آئی کے رکن فیصل جاوید خان اور اظہر محمود سمیت متعدد شخصیات کی جانب سے انہیں مبارکباد دینے کا سلسلہ جاری ہے۔