بھارتی فوج کی ریاستی دہشت گردی میں ایک کشمیری نوجوان شہید

مقبوضہ کشمیر میں بھارتی فوج کی جارحیت میں مزید ایک کشمیری نوجوان شہید ہوگیا۔

کشمیر میڈیا سروس کے مطابق جنت نظیر وادی کے ضلع اسلام آباد میں نام نہاد سرچ آپریشن کے دوران قابض بھارتی فوج نے فائرنگ کرکے ایک نوجوان کو شہید کردیا۔ اس طرح رواں ماہ شہید ہونے والوں کی تعداد 10 سے تجاوز کرگئی۔

مسلمانوں کے مقدس ماہ رمضان المبارک میں بھی مقبوضہ کشمیر میں بھارتی فوج کی جارحیت جاری ہے۔ نوجوانوں کو گرفتار کیا جا رہا ہے اور بزرگوں کو بھی تشدد کا نشانہ بنایا جا رہا ہے۔


بھارتی فوج کی جارحیت کیخلاف علاقہ مکینوں نے شدید احتجاج کیا اور جدوجہد آزادی کشمیر کے حق میں نعرے بازی کی۔ بھارتی فوج کے اہلکاروں نے مظاہرین کو منتشر کرنے کے لیے ہوائی فائرنگ اور آنسو گیس کی شیلنگ کی۔