امیتابھ بچن کی فلم’’بھوت ناتھ ریٹرن‘‘کا پہلا ٹریلر جاری

امیتابھ بچن کی نئی فلم''بھوت ناتھ ریٹرن''کا پہلا ٹریلر جاری کردیا گیا جو فلم بھوت ناتھ کا سیکوئل ہے جسے بچوں نے بے حد پسند کیا تھا۔


بھوت ناتھ ریٹرن میں امیتابھ کے ساتھ بھومن ایرانی نے مرکزی کردار نبھایا ہے، فلم میں امیتابھ ایک ایسے بھوت کے روپ میں ہیں جو یقین دلاتا ہے کہ وہ بچوں کو ڈرا سکتا ہے اور اسے یہ ثابت کرنے کے لیے دنیا میں بھیجا جاتا ہے، امیتابھ کے مطابق فلم بچوں کے ساتھ بڑوں کو بھی بے حد پسند آئے گی۔

بالی ووڈ کے بگ بی نے کہا کہ رنبیر کپور مجھ سے کہیں زیادہ مقبول اداکار ہیں، میں ان کے ساتھ کام کرنے کا خواہشمند ہوں، اس فلم میں مجھے رنبیر کے ساتھ کوئی بھی سین عکسبند کرنے کا موقع نہیں ملا۔ ان کا کہنا تھا کہ نوجوان اداکاروں کے ساتھ کام کرنے کا اپنا مزہ ہے کیونکہ اس طرح انسان کو بہت کچھ سیکھنے کا موقع ملتا ہے۔