شمالی وزیرستان میں سیکیورٹی فورسز کی کارروائی میں ایک دہشت گرد ہلاک

شمالی وزیرستان کے ضلع دتہ خیل میں سیکورٹی فورسز اور دہشت گروں کے درمیان فائرنگ کا تبادلہ ہوا ہے، جس میں ایک دہشت گرد ہلاک ہوگیا۔

پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے ضلع دتہ خیل میں کارروائی کے نتیجے میں دہشت گرد فرید احمد مارا گیا۔


آئی ایس پی آر کا بتانا ہے کہ ہلاک دہشت گرد سے اسلحہ اور گولہ بارود بھی برآمد ہوا ہے، فرید احمد سیکورٹی فورسز کے خلاف متعدد کاروائیوں میں ملوث تھا۔

دوسری جانب مقامی لوگوں کی بڑی تعداد نے پاک فوج کے آپریشن کو سراہا اور علاقے سے دہشت گردی کی لعنت کے خاتمے کے لیے بھرپور تعاون کا اظہار کیا۔