بہروز سبزواری کو اداکاری سے پہلا معاوضہ کتنا ملا تھا اداکار نے بتا دیا

سینئر اداکار بہروز سبزواری نے بتایا ہے کہ انہیں اداکاری سے سب سے پہلا معاوضہ 19 روپے ملا تھا۔

بہروز سبزواری نے ایکسپریس انٹرٹینمنٹ کے رمضان ٹرانسمشن 'پیارا رمضان' میں شرکت کی اس موقع پر انہوں نے میزبان رابعہ انعم کے دلچسپ اور انوکھے سوالات کے خوشگوار انداز میں جواب دیے۔


معروف اداکار نے کہا ہے کہ انہیں پی ٹی وی سے سب سے پہلا چیک 19 روپے کا ملا تھا جو ان کی پہلی کمائی تھی جس سے وہ بہت خوش بھی ہوئے تھے، بعد ازاں انہوں نے بینک میں اپنا اکاؤنٹ کھلوایا اور پیسے جمع کرنا شروع کردیے۔

بہروز سبزواری کا کہنا تھا کہ جب مجھے پہلا معاوضہ ملا اس وقت میں اسکول میں پڑھتا تھا، اکاؤنٹ کھلوانے کے بعد اس زمانے میں، میں نے تقریباً چار ہزار روپے تک جمع کرلیے تھے۔

انہوں نے کہا کہ آج بھی میں 'سیونگ' کرتا ہوں جو عزت کی شکل میں ہے، شوبز انڈسٹری سے بہت عزت کمائی ہے۔